FEIJOO COSTA, GUMERSINDO
Dende o momento en que fraguou o concepto de desenvolvemento sustentable en 1987 coa publicación do Informe Bruntland, afianzouse a idea de que a protección do futuro das xeracións futuras é multifacética, xa que require accións en diferentes dimensións. Un dos desafíos reside en cuantificar a sustentabilidade, o que permite unha diagnose axeitada do punto de partida e comprendermos, así, o impacto real dos diferentes escenarios. Este libro analiza e avalía algunhas das facetas desta abordaxe multifacética a partir dos artigos publicados polo autor na plataforma The ConversationsSpain. A primeira aresta xira sobre a pregunta: Onde e como vivimos. A segunda considera As palabras e os datos da sustentabilidade (economía circular, ecobranqueo, ecolóxico, etc.). A última aresta reflexiona sobre A alimentación e a tradición. Comprendendo o pasado e analizando o presente, podemos mitigar as incertezas do futuro, facendo así honra ao proverbio: «Despois do trebón vén a calma».
