VILA SEXTO, CARLOS
Un cadáver. Iso é o primeiro que ve Miguel cando esperta sen memoria nun compartimento dun tren que está a bordear o mar Cantábrico, azoutado por un furacán. O seu primeiro impulso é fuxir da escena do crime, pero cando comprende que alguén o incriminou no asasinato, non lle quedará máis remedio que permanecer a bordo e tentar desentrañar o misterio, sen poder baixar dun tren no que todos o perseguen e onde apenas pode agocharse. Só ten unhas horas antes de chegar ao seu destino. Pero poida que non sexan dabondo para asimilar a verdade que está a piques de descubrir. Porque esta non é unha viaxe normal. Non? Isto é algo máis. Coidas que o sabes todo sobre as historias de misterio? Pénsao de novo.
